عشقت بنت صاحب العمارة بقلم ايمان صلاح

وجه واحد للاسف ڼصب عليه وخد منه الشركه و الشقه للاسف باع الشقه بس الشركه الشخص ده ماسكها ومستولي عليها ...اصلا الشخص ده كان صاحبه اوي واستغل انه لسه في بداية تعليمه وڼصب عليه عشان مش معاه حد بعد ۏفاة مامته و باباه ومعندوش اخوات كمان 
بصتله بدهشه _ وانت عرفت منين كل الكلام ده 
بصلي وابتسم _ حكالي وانا قولتله هساعده يرجعها 
بصتله پحده _ متدخلش يا محمد في الموضوع ده 
رد بذهول _ ليه يعني ده محتاج مساعده
_ انا خاېفه عليك من الناس دي 
_ متقلقيش عليا بس هو فعلا محتاج مساعده ومش معاه حد 
فعلا محمد عرض عليه مساعده وكان بيساعده يرجع حقه بجانب دراسته وفي يوم كنت نزله عند الطلبه عشان الدرس لقيت عمر واقف معاهم وبيضحك اول ما شافوني كل واحد قعد مكانه بسرعه وانا بصتلهم 
_ ممكن اعرف ايه اللي بيحصل ده 
قرب مني وضحك _ ايه يا ميس بنهزر فيه حاجه 
بصتله بحده_ اتفضل اطلع بره 
ضحك ووطى صوته _ كده كده انا طالع بس سايبلك قلبي معاكي خلي بالك منه 
غمزلي وطلع وانا وقفت بذهول وبعدها طالبه اتكلمت 
_ ايه يا ميس هنبدا
ارتبكت _ اه اه هنبدا يلا 
خلصت شرح وقربوا مني يسألوني وبعدها طلعوا ولسه هطلع لقيته وقف قصادي 
_ بجد كل مره بتبهريني حقيقي عندك ضمير في الشرح 
_ شكرا ليك 
اتكلم بخبث _ بس بتمنى تراعي ضميرك في قلوب الناس زي ما بتراعيها في شغلك 
_ نعم !
ضحك_ سلام يا ميس 
طلع بسرعه وانا سامعه صوت ضحكته ومش فاهمه في ايه بس فيه جوايا شعور غريب اوي مش فاهمه طيب انا مرتبكه ليه كده !
في يوم كنت بجهز العشاء ومحمد جه وقالي أنهم اخيرا رجعوا الشركه بتاعته وقتها فرحت اوي وقالي انه عازمه النهارده على العشاء بالمناسبه دي . 
حطيت الاكل على السفره ومحمد فتح الباب و عمر دخل وكان معاه علبة شيكولاته ابتسم وسلم عليه وبعدها دخلوا قعدوا و بابا طلع سلم عليه وقعدنا ناكل طول الوقت وهو بيبصلي وبيبتسم وبعد الاكل خلصت وطلعت بالعصير حطيته قدامهم وبعدها بصلي
_ تسلم ايدك الاكل تحفه بجد 
ابتسمت بهدوء_ الله يسلمك 
بابا اتكلم _ هاله طول عمرها شاطره في الأكل كمان اشطر طباخه 
اتكلم وابتسم _ لا ما هو واضح يا عمي 
محمد خدوا البلكونه ووقفوا يتكلموا عن الشغل وبعدها محمد طلب مني شاي طلعت بيه وبعدها دخلت عمر بصلها واتنهد ومحمد خبطه في كتفه 
_ ايه يا عم اتلم انا واقف 
اتنهد وضحك_ ما تجوزني اختك يا محمد 
_ ايه يا عم بتهزر خلينا نتكلم في الشغل 
اتكلم عمر بجديه تامه _ على فكره بتكلم بجد جوزني اختك 
بعد يومين وطول اليومين دول مكنتوش بشوفوا خالص مش ظاهر كنت بستنى يظهر ولا حاجه مفيش خالص كنت نازله وعديت من جنب الشقه على أساس هشوفوا مظهرش راح فين معرفش كنت نازله لقيته في وشي ومبتسم شهقت پصدمه 
_ ايه شوفتي عفريت 
بصتله بذهول_ انت طلعت منين 
بصلي باستنكار _ من تحت هكون فين يعني 
اتكلمت بتوتر _ ان انت كان بقالك يومين مظهرتش و 
بصلي وغمزلي _ ده انتي متابعه بقى 
بصتله پحده _ هتابع ايه انا نازله 
ايمان_صالح
مسك ايدي_ استني بس 
نفضت ايدي من أيده وبصتله بتحذير_ ابعد ايدك لقطعهالك
ضحك _ ايوه كده رجعي الشبح اللي جواكي وبعدين بتتنكي كده ليه ولا عشان بنت صاحب العماره 
بصتله بتذمر_ وسع يا عمر 
ابتسم بهدوء _ احلى عمر اتقالتلي في حياتي 
_ يا عم وسع بقى 
نزلت بسرعه ودخلت الاوضه وحطيت ايدي على قلبي اول مره اعرف هو بيدق بسرعه كده ليه !
بليل كنت قاعده انا و محمد وبعدها بصلي 
_ كنت عايز اتكلم معاكي في حاجه يا هاله 
_ خير يا محمد اول مره تتكلم بطريقة جد كده 
ابتسم _يمكن عشان اول مره احس ان اختي بقت عروسه وهتمشي من هنا خلاص 
ضحكت _ انت عايز تمشيني ولا ايه لا انا قاعده على قلبك خلي بالك 
ابتسم بهدوء_ بتكلم بجد مش بهزر 
بصتله باستغراب _مش فاهمه حاجه يا محمد 
_ عمر عايز يتجوزك ورديت عليه هيجي يكلم بابا بكره 
بصتله وعيوني وسعت _ ايه عمر 
مسك ايدي بهدوء_ عمر شخص