عشق في خطړ بقلم ايمان صلاح
انت مش شايف الاسعار عامله ازاي
_ طيب انتي واحده مولوده في بوقك معلقه دهب تتكلمي عن الاسعار ليه
_ عشان الناس الغلابه
اتكلم بحده_ مالهم الناس الغلابه كانوا جم اشتاكولك
_ مش لازم تبقى انزل اي سوق مصري كده وشوف ابقى انزل الحواري وشوف متبصش على السوبر ماركت ولا العماير و الڤيلل الضخمه لا شوف عيشة الناس الغلابه
موبايله رن واتكلم فيه وطول المكالمه وهو بيزعق طريقته مش بتتغير ابدا !
وصلت قدام البيت ولسه هقولوا ينزل من باب العزومه يعني ... يتغدا ولا حاجه ساق العربية باقصى سرعه ياربي انسان غريب هو شغل الشرطه صعب اوي كده ولا هو اللي كائن فظيع بجد .
_ طنط بتقولك الحاجات اهي
_ معقول اللبس اللي طلبته منها وصل بسرعه كده
_ لبس ايه ده
_ده لبس ل دار الايتام بنوديه انا وهي بس هي طبعا مشغوله الايام دي ف هوديه انا
_ بجد يا ماما طيب ممكن انا اروح بيه
_ بس مش الشنطه دي انا جبت حاجات تاني جنبها ولازم تتوزع على الأطفال كلهم
_ بكره هقولك العنوان و روحي وديه
دخلت الاوضة ومسكت الموبيل لما وصلتني رساله من رقم غريب
ندى ابعدي عن الأفكار اللي في دماغك دي عشان هتضيعي نفسك !
سيبت الموبيل وعرفت من كلامه انه اكيد رحيم كلهم خايفين عليا طيب و اللي بيحصل لناس ده عادي !
تاني يوم روحت دار الايتام وصلت هناك وقفت مع المديرة
ابتسمت _ اها انا ندى
_ اهلا يا بنتي مامتك كلمتني انك جاية
_ طيب هو انا ممكن اشوف الولاد
_ اها طبعا تعالي
خدتني وروحنا الحديقه وقفت وقالت للاطفال
_ تعالوا ابله ندى هتديكم حاجه حلوه
الاطفال جم بسرعه ووقفوا جنبي وانا فرقت عليهم الهدايا واللبس وكنت فرحانه اوي وسطهم
_ ها يا ندى عملتي اللي قولتلك عليه
ابتسمت بفرحه _ اهه يا ماما وفرحت اوي وسطهم انا عايزه اروح عندهم على طول
طبطبت عليا و دخلت وانا دخلت اكلم ساره اللي اول ما فتحت
_ يا واطيه ياللي نسيتيني
_ انا أقدر انساكي
_ طبعا من وقت ما روحتي عند رحيم بيه
ضحكت _ والله وحشتيني
ضحكت بصوت_هتموتي بفضولك
_ يلا يا رخمه قولي
_ ماشي يستي
اتكلمت معاها و قفلت ودخلت انام وانا فرحانه اني شوفت الاطفال و اتعرفت عليهم .
اليوم اللي بعده طنط بعتت ل ماما عشان تروحلها بس ماما كانت تعبانه وقتها وقالتلها ندى هتجيلك
_ ما تروحي انتي يا ماما
_ انا تعبانه النهارده يا ندى روحي انتي عشان عندها ناس وعايزاكي تعملي المكرونه بالبشاميل
روحت عندها والمره دي وقفت معاها في المطبخ
_ انا عايزاكي تعملي المكرونه بالبشاميل يا ندى
_ طيب ما تعمليها يا طنط بتطلع من ايدك حلوه
_ لا يا ندى انتي بتعمليها حلو اوي اعمليها و هند هتعمل الرز و الملوخيه
بصيت على هند اللي من ساعة ما جيت وهي بتبصلي من فوق ل تحت بنظرات غريبة هند بنت خالة رحيم بصراحه هي حلوه اوي ومن وقفتها في المطبخ بتدل انها عارفه في المطبخ و متمكنه كمان بس المشكله بنظرة عيونها اللي مش فهماها
بعد ما خلصت المكرونه طنط بصتلي
_ اقعدي ارتاحي يا ندى و هند هتكمل
_ بس يا طنط اساعدك
_ لا انا بعت ل مامتك أو انتي عشان بتعرفوا تعملوا المكرونه بالبشاميل حلوه اوي بس انا مش عايزه اتعبك يا ندى
_ يا ماما انا قولتلك اجيبلك شغاله ومتتعبيش نفسك ولا تتعبيهم
ده كان صوت رحيم اللي اقتحم المكان وهو متضايق مامته بصتله وابتسمت
_ انا مش بحب حد غريب يدخل مطبخي بعد جوازك يبقى هات شغاله بقى ولا انت عامل على تعابها هي
_ تعب مين يا ماما انا جبتلك الشغاله وبتشتغل في البيت ليه مش عايزه توقفيها في المطبخ وبعدين كده كده بعد جوازي هجيب شغاله عشان حبيبتي مش بتعرف
