عشق في خطړ بقلم ايمان صلاح

روحت لها وقفت قدامها 
_ ازيك يا طنط 
_ ازيك يا ندى ايه جابك انا قولت ل مامتك متعبكيش اكيد جاية من الشغل تعبانه 
ابتسمت _ لا مش تعبانة ولا حاجه يلا نشوف حضرتك هتشرتي ايه 
_ انا يعتبر هشتري كل حاجه انتي عارفه من وقت ما رحيم اتعين في الشرطه وكل يوم ناس تجيلي ده غير قرايبي جايين من البلد بكره إن شاءالله ف هحتاج حاجات كتير 
هزيت راسي ودخلت معاها وبدانا نختار و نشيل حقيقي انا بحب طنط دي من زمان ليها معزه في قلبي كده من زمان وهي بتبعتلي اجي اساعدها وهي كمان في أوقات امتحاناتي ويكون عندنا ناس بتيجي تساعد ماما عشان متسبش ماما لوحدها .
خلصنا وهي حاسبت وطلعنا بره 
_ اوقف تاكسي يا طنط وبعدها اوصلك احط الحاجات وامشي بعدها 
_ لا تاكسي ايه انا اتصلت ب رحيم وهو على وصول استني 
اتوترت _ايه ده رحيم جاي !
_ اه هو كان عنده شغل واتصل بيا قال إنه هيجي 
_ طيب خلاص يا طنط انا همشي طالما هو جاي 
_ لا تمشي فين وانا هقف لوحدي وبعدين انتي هتروحي تتغدي معايا 
_ لا يا طنط غداء ايه بس مينفعش والله انا كلت 
هزت راسها بنفي_ لا لازم تتغدي معانا 
_ والله كلت قبل ما اجيلك 
_خلاص تعالي ناكل مهلبيه مع بعض انتي بتحبيها من ايديا 
كنت لسه هتكلم فهي اتكلمت بحده_ والله ما انتي ماشيه غير لما نروح مع بعض و ناكل المهلبيه كمان 
ضحكت _ طيب انتي زعلانه ليه 
_ عشان بتعبيني زي رحيم بالظبط
_ خلاص يا طنط هاجي معاكي 
وقفنا وانا كنت متوتره ايه ده يعني هركب معاه نفس العربية مع اني كنت بركب معاه زمان بس لما كبرنا الحياة اتغيرت .
رحيم وصل وشال شنط وانا كنت هشيل ف جه بسرعه وخدها مني وبصلي في عيوني وانا اتوترت وهو قام 
_ متشيليش روحي اركبي العربية 
هزيت راسي وركبت وانا فرحانه أخيرا اتكلم بصلي لا ده انا قلبي هيقف بجد طول الطريق ساكتين بس هو كان بيبصلي في المرايا وعيونه تيجي في عيوني وقلبي بيدق پعنف 
وصلنا البيت وطلعنا وهو خد الحاجات ډخلها وطنط خدتني من ايدي وجابت المهلبية ونادت على رحيم 
_ يلا يا رحيم انا جبت المهلبية اهو 
بسرعه كان جه وخد منها الطبق وقعد ياكله باستمتاع ايه ده هو ده الظابط الكريزما !
طنط حطت الطبق قدامي وكلت منها شوية وسيبت الطبق وهو بصلي 
_ بعد اذنك يا طنط انا لازم امشي 
_ ايه ده بس انتي مكلتيش المهلبية ولا هي مش عجباكي 
_ لا يا طنط تسلم ايدك انتي عارفه انا بحبها منك بس انا لازم امشي فعلا عندي شغل بكره 
_ خلاص روح يا رحيم وصلها عشان متمشيش لوحدها في الليل كده 
_ مش عايزه اتعبه معايا خليه وانا هكلم آدم ابن خالتي هو هيوصلني بيته هنا 
بصلي بحده_ هو انتي دايما معارضه كده يلا هوصلك 
_ استني يا ندى خدي الحاجات دي اديها ل ماما 
_ انا نازل بس متتاخريش 
نزل وانا باصه عليه وبعدها بصتلها 
_ ايه هي الحاجات دي يا طنط 
_ عادي شوية حاجات كانت طلبتها مني وانا هديهالك توصليها 
دخلت جابت شنطه وعطتهاني 
_ يلا انزلي عشان رحيم ميستناش كتير 
_ اوكي 
نزلت ولقيته راكب في العربية بملل كنت هركب ورا بس بصلي 
_ انا مش السواق الخصوصي يعني 
بصتله بضيق طريقته مستفزه بجد ركبت قدام وبعدها العربية اتحركت 
_ انتي ليكي قرايب هنا 
_ اه آدم ابن خالتي ما هو عايش هنا من زمان 
_ اممم وانتي كنتي عايزاه يروحك ليه 
_ ابن خالتي ف طبيعي يوصلني 
_ لا مش طبيعي على فكره !
_ نعم 
_ انتي عامله قلق ليه 
_ انا عامله قلق ازاي 
_ في الجريده عامله قلق ليه بتتكلمي عن حاجات متخصكيش ليه 
_ ايه هو ده اللي ميخصنيش فيه ناس بتفرض نفسها على البياعين وبياخدوا منهم فلوس بالقوه ف انا عايزه احارب الفساد 
_ انتي 
_ اه انا فيها ايه 
_ ب ال سنتي بتوعك دول متتكلميش 
_ ليه بقى إن شاءالله الساكت عن الحق شيطان اخرس 
_ لما تشوفي الحق يبقى تعالي بلغي عنه بس متكتبيش 
_ ليه بقى انا لازم اكتب