عشق الطفولة بقلم ايمان صلاح
انت في الصفحة 1 من 7 صفحات
_ انتي واقفه كده ليه يا فريده
بصتلها وبرقت _ يا شيخه منك لله خۏفت بجد
_ ايوه برضوا واقفه كده ليه انتي مستنيه يونس كالعاده
_ ششششش وطي صوتك منك لله عايزاهم يسمعونا
_ على أساس يعني محدش عارف دي الدنيا كلها عارفه انك بتحبي يونس
رديت بغيظ _ وياريته بيحس ده حلوف لا يبالي بجد
_ غوري يا شهد شوفي انتي رايحه على فين بقى زمانه جاي
زقيتها وهي طلعت وهي بتضحك الحقيقه مع انها غبيه في أوقات كتير بس لطيفه يعني بير اسراري اوقات كتير بحس أن شهد دي اكتر من اختي تقريبا لو هنا اختي كانت موجوده هنا ومش متجوزه مكنتش هتحبني زيها كده ولا أنا كنت هحبها كده
شهقت بصوت عالي من الخضه بصيت عليه كان واقف ومبتسم وحقيقي مفيش احلى ولا الطف من كده بصراحه
_ ايه يا يونس مش براحه فيه حد بيخض حد كده
ابتسم _ اه انا قوليلي واقفه كده ليه
_ مستنياك
بصلي بذهول _ نعم
_ فريده فيه ايه مالك متوتره كده مستنياني ليه
_ بصراحه يا يونس عندي ماده مش فاهمه فيها حاجه ومحتاجه تشرحهالي
رد بهدوء _ بسيطه يا ستي هاتي كتابك وتعالي على السطح لحد ما اغير هدومي واجيلك
_ طيب جعان اجهزلك اكل
_ لا يا فريده بس متنسيش القهوه بتاعتي عشان اعرف اركز
ابتسمت ودخلت بسرعه المطبخ عملت القهوه وحطيتها على ڼار هاديه ووقفت جنبها وانا فرحانه من زمان وهو بيحب القهوه من ايدي بما اننا ولاد عم ونفس العماره ف بعملهاله من زمان ماما دخلت وقفت ورايا
_ بتعملي ايه يا فريده
نفخت بضيق _ هو انتوا كلكم مش وراكم غير الجمله دي
_ بتقولي ايه سمعيني
_ قهوه دلوقتي اكيد ل يونس صح
_ صح يا حبيبتي فيه حاجه
_ طيب طلعيها وانزلي على طول متتاخريش
_ لا يا ماما ده فيه حاجات محتاجه يشرحهالي عشان كده بعمله القهوه
_ ااه ماشي يا ستي يلا روحي بس متأخريش هو اكيد جاي تعبان
_ حاضر يا ماما كده كده العشاء لسه مأذنه يعني لسه بدري سلام يا ماما
Eman Saleh
_ ايه يا بنتي سرحانه في ايه
_ لا ولا حاجه يا يونس
ضحك _ طيب هاتي الكتاب بتاعك كده وريني ايه اللي ناقصك
_ اهي يا يونس
شاورت على الحاجه اللي مش عارفاها في الكتاب وهو قعد يشرحلي فيها بما أنه خريج تجاره زي كده
بصلي باستفسار_ ها كده فهمتي
ابتسمت_اها فهمت يا يونس شكرا
بصلي شوية وبعدها ابتسم وهو بيشرب القهوه _ العفو يا ستي تعرفي إن احلى حاجه السنه دي ان دي اخر سنه ليكي ومش هتقوليلي اشرحلك حاجه تاني
_ ايه ده يعني انت زهقت مني
شوح بإيده _ يا ستي انا زهقت من التعليم بقى انا مخلص تعليم وانتي تيجي تقوليلي اشرحيلي
_ يعني انت زعلان انك بتشرحلي يا يونس
ضحك _ لا مش زعلان عشان بشرحلك
بصتله باهتمام _ امال انت باين عليك ليه انك زعلان يا يونس
بصلي بضيق _ برضوا مش لاقي شغل يا فريده بدور من زمان ومش لاقي اي شغل خالص
_ ازاي بس يا يونس انا عارفه أن الشغل كتير
ضحك بسخرية _ مين قالك كده ده كلام بس واحنا قبل التخرج مفكرين أن الحياه وردي وفيه شغل بس للأسف مفيش خالص كل اللي هما بيعملوه أنهم بيستغلوا الخريجين بس
بصتله وحاولت ابتسم _ خلاص يا يونس إن شاءالله هتلاقي كل إنسان بياخد نصيبه في الحياه وانت عشان انسان كويس ومخلص هتلاقي في اقرب وقت شغل يليق بيك ان شاء الله
_ يارب يا فريدة يارب
هزيت راسي وانا بطمنه فعلا موضوع الشغل
