من حكايات أيمي بقلم أيمان صلاح
اللي بتكلمني بيه ده
بصلها وساق بسرعه عاليه فصوت وحطيت راسي بين أيدي من الخۏف فبعدها هدى السرعه شوية ونزل من العربيه
_يلا انزلي يا مريم
بصتله وانا بمسح دموعي
_ انت انسان اناني وانا مش مسامحاك
نزلت من العربية وطلعت الشقه وفتحت ودخلت وهو دخل ورايا
_مريم استني
زعقت_ انا مش عايزه اتكلم معاك سبني في حالي
_ متعملش حاجه وانت مالك اصلا مش كنا متفقين اننا هنطلق ايه اللي زعلك بقى وكمان انت عارف اني بخاف بتزود سرعة العربية ليه
بصلي وخد نفس بضيق فدخلت اوضتي وقفلت الباب حقيقي اكتر حاجه بخاف منها هي السرعة العالية بتاعت العربية نمت مكاني من غير ما اغير هدومي وقومت على صوت في المطبخ صوت خبط جامد دخلت بسرعه لقيت عمر واقع على الأرض ومش قادر يقوم جريت عليه
بصلي بالم _ مش قادر اقوم يا مريم
بصتله بقلق_ايه اللي وقعك طيب
_كنت بعمل ايه ومحتاج حلل فوق المطبخ وقوفت وكانت الحلل عاليا فوقعت
بصتله بحزن وحاولت اسنده وصلته لحد السرير واتصلت بالدكتور عشان يجي بعدها دخلت المطبخ شوية فكان الدكتور وصل دخل كشف عليه وربطله رجله
_ الموضوع بسيط عنده تمزق في رجله فلفيتها يومين كده وهاجي افكها انتي بس هاتيلوا العلاج ده وخليه يمشي عليه بانتظام
هزيت راسي وقولتله_شكرا جدا يا دكتور على تعب حضرتك
ابتسم_لا شكرا على واجب لو احتاجتي اي حاجه كلميني
ابتسمت _شكرا لذوق حضرتك
استأذن ومشي وانا نزلت عشان اجيب العلاج جبته وقابلت صفاء صحبتي
_الحمدلله بخير انتي اخبارك ايه
_الحمدلله مش بشوفك يعني
ابتسمت _والله امبارح كنا عند أهل عمر والنهارده عمر وقع حتى كنت بجيب ليه العلاج
_لا الف سلامه عليه ربنا يشفيه
_اللهم امين عن اذنك
سبتها وطلعت فتحت الباب ودخلت عنده كان قاعد
_ها بقيت كويس دلوقتي
بصلي بضيق ومردش فبصتله باستنكار _انت كمان اللي زعلان!
بصتله بدهشه _ وده ايه اللي يزعلك
بصلي وهو مكشر _بصي يا مريم انا مش هجدلك عشان تعبان
جريت لحد عنده بلهفه
_مالك تعبان فيك ايه
بصلي شوية بهدوء وبعدها رد _مفيش حاجه انا كويس الحمدلله
_طيب انا هدخل اجيبلك شربة واكل عشان العلاج
بصلي وضحك وانا دخلت جبت الاكل وحطيته قدامه فبصلي وقالي
_يلا عشان الكلي معايا
_لامش عايزه
شدني من ايدي وقعدني جنبه وانا شهقت فبصلي وضحك _نفسي تسمعي الكلام ولو لمرة واحدة بس يلا كلي معايا
كلنا مع بعض وخلصت شلت الاكل وعطتله العلاج وقولتله
_يلا نام بقى شوية
بصلي بزهق _ انا مش عايز انام
_طيب عايز ايه دلوقتي
_افتحي التليفزيون عشان نتفرج عليه
هزيت راسي وشغلته وقعدت جنبه فبصلي وقال
_قوم اعملي فشار وعصير
نفخت بضيق_هو انا كنت شغاله عندك
ضحك _بليز يا مريم هاتي الفشار والعصير
اتكلمت بتذمر مصتنع _ انا عارفه إن قعدتك دي جيبالي مصايب
ضحك وانا داخله المطبخ وقال _ ماشي يا جلابة المصاېب
مش ننكر اني بحب القاعده معاه وفرحانه اوي وهو قاعد معايا وأنه بيشاركني ومش هكذب وقول كنت زعلانه لما عرفت أنه هو العريس لا ده انا كنت طايره من الفرحه عكلن الفشار وعصير مانجا وطلعت حطيته قدامه بتذمر مصتنع
_اهو على الله يعجب
ضحك وقال _ده انتي تعجبي الباشا يا قمر
بصتله وتنحت وهو مسك الريموت وقلب القناه بعد العصر كنت صليت و ماما و بابا و جدو جم عشان يشوفوهماما دخلت بسرعه عنده
_الف سلامه عليك يا حبيبي طمني عليك
كانت بتبص عليه بقلق من وقت ما ماما شافته قبل ما يتقدملي وهي بتحبه وبتعتبره زي ابنها اصل عمر جه كام مره مع جدو عندنا عشان يشوف جدو بصتلها بضيق مصتنع
_طبعا بتحبيه وكل الحب لعمر بس انا مفيش
_لا كله الا عمر يا مريم انتي عارفه معزته عندي
بصتلها بزعل _ طيب وانا
جدو قرب وحضني _ هي بتحبك هو مفيش حد يحب مريوم
حضنته _حبيب قلبي يا جدو وانا بحبك اكتر من اي حد في الدنيا
جدو بصلي بتفكير بخبث_ ولا حتى عمر
عمر بصلي بتركيز وانا اتكسفت وسلمت على بابا وقولت
_اتا هدخل اعمل عصير
عمر اتكلم
