من حكايات أيمي بقلم أيمان صلاح
نورتنا من امتى وانا بقولك تيجي
ابتسم بهدوء _ والله يا جدو بيكون عندي شغل مش اكتر
_ماشي يا ابني يلا خد مراتك وارتاحوا فوق لحد ما الاكل يجهز
قام وقف فانا بصتله پخوف
_لا انا هقعد هنا
_يا بنتي اطلعي مع جوزك وانزلوا ارتاحوا شوية لحد ما أبوه يجي من الشغل
عمر مد أيده ليا _يلا قومي يا مريم
_مالك خاېفه كده ليه هو انا هاكلك يا مريم
بصتله بشجاعه مصتنعه_ لا طبعا وانا انا هخاف منك ليه
بصلي وضيق عيونه وابتسم وقرب مني _يعني مش خاېفه اننا في أوضة لوحدنا
قرب وشه مني وابتسم ف انا قلبي بدأ يدق ورجعت راسي لورا فقرب تاني ومازال بيبتسم وشال شعر من على عيوني كانت نازله من الخمار وډخلها تحت الخمار ورجع قعد على السرير
_واضح انك مش خاېفه خالص
بصتله بضيق وطلعت وقفت في البلكونه وانا بتنفس وقلبي بيدق بطريقه مش عاديه هو فيه ايه
_يلا عشان ننزل انا سمعت صوت بابا تحت
هزيت راسي ونزلت معاه سلمنا على باباه وقعدنا ناكل مع بعض بعدها عمة عمر جت وكانت معاها بنتها قدي وابنها قد عمر تقريبا عمر وقف سلم عليهم وانا سلمت على عمتو وبنتها جهاد
جهاد بصتلي وابتسمت_ بس مش كنت متوقعه يا عمر أن مراتك تكون بالجمال ده
عمته بصتلي بضيق واتكلمت _على فكره مش حلوه يعني ما انتي بسم الله ماشاء الله احلى منها
عمر بصلها وابتسم _بنتك حلوه في عيونك يا عمته وانا مراتي حلوه في عيوني وقلبي
بصتله بدهشه فهو بصلي وغمزلي وانا مش مصدقه أن عمر قال كده فطلعت برا وانا مذهوله منه كنت واقفه لقيت جهاد وقفت جنبي
بصتلها وابتسمت _ لا مش بزعل منها متقلقيش
ابتسمت وقالتلي _ إلا قوليلي يا مريم هو انتي متخرجه من ايه
ابتسمت وقولتلها _ انا خريجة سياحة وفنادق
_ ماشاء الله حلوه اوي انا برضوا كان نفسي ادخلها بس ماما ماوفقتش ودخلتني تجاره زي عمر
ابتسمت _ اللهم بارك تجاره حلوه مش وحشه على فكره
_ انتوا واقفين لوحدكم ليه
جهاد ابتسمت وقالتله_ بنشم هوا عندك مانع
رد عليها بابتسامه_ لا معنديش تحبوا تيجوا معايا نخرج
كان بيبصلي و فجهاد اتكلمت بحماس _ اها يلا يا مريم نروح مع بعض معاه واخيرا هيخرجني
كنت لسه هرد وعمر طلع وحط أيده في أيدي _ لا معلش روحوا انتوا وانا هاخد مراتي عشان هنمشي
جهاد اتكلمت بضيق_ ليه بس يا عمر هنخرج كلنا مع بعض ايه المشكله
بصلها بهدوء_ معلش يا جهاد انا عندي شغل بكره فلازم نمشي
حازم خد جهاد وطلعوا و عمر وشه اتغير وبصلي
_حضرتك كنتي عايزه تروحي معاه ولا ايه
بصتله باستنكار _ لا طبعا واروح معاه بمناسبة ايه يعني
_ اصل انا شايفك زعلانه
رديت پحده _قصدك ايه يا عمر يعني
_قصدي المكان اللي يقف فيه حازم متقفيش فيه يا مريم
_ وانا اللي وقفت ولا هو اللي جه وقف يا عمر
_ هو جه وقف انتي تدخلي على طول متقفيش معاه
رديت باعتراض _ مسمحلكش يا عمر انا موقفتش معاه انا ملحقتش اصلا
رد عليا بضيق _ طيب يلا نروح
دخل عند جدو وباباه كانوا قاعدين فبصلهم بضيق
_ احنا هنمشي يا جدو عايز حاجه انت او بابا
جدو بصله بدهشه _ هتروح فين يا ابني الجو ليل وانت مش قولت هتبات هنا
رد عليه بابتسامه حاول يظهرها _ لا معلش جالي شغلي بدري ولازم اروح
باباه اتكلم_ طيب مراتك هتمشي بيها بليل ازاي
ابتسم _ عادي ما هي معايا يا بابا وانا معايا العربية مش هناخد وقت
سلمنا عليهم وسحبني بسرعه وركبني ورزع الباب وركب وحرك العربية وساق بسرعه فاتكلمت بضيق
_براحه يا عمر فيه حد يشد حد كده ولا يسوق كده براحه
اتكلم پحده _ انا مش عايز اسمع صوتك
زعقت_ انا اتكلم براحتي ايه الاسلوب
