حكايات امي بقلم ايمان صلاح

انا وانتي 
_نعم ازاي ده 
اتكلم بحده_ زي ما سمعتي كده خطوبتنا بكره هاجي انا و بابا و ماما وهلبسك الدهب 
_ انا مش جاهزه متهزرش يا محمد
_ لا انا قولت انك في اسرع وقت تكتبي انك مخطوبه وتعرفي كل الناس انك مخطوبه 
_ طيب خليها الاسبوع الجاي لحد بس ما اجيب الفستان واتفق مع الكوافيره 
اتكلم بحزم_اخرك بكره بعد بكره الخطوبه يا غاليه براحتك 
قفل معايا وانا ببص للموبايل بدهشه انا ايه اللي عملته في نفسي ده ما كان فضل زي ما هو مش بيكلمني افرح انا بنفسي بقى كده
تاني يوم قومت على صوت احمد اخويا 
_يلا قومي يا بنتي عشان تجيبي الفستان بتاع الخطوبه 
قومت بسرعه من مكاني 
_ايه بالهوية يعني كلام محمد صح الخطوبه بكره 
ضحك _صح فعلا محمد اتفق معايا انا و ماما الحقي عشان تختاري الفستان من اول اليوم ولو هتحجزي الكوافيره زلا حاجه يلا قومي 
قومت بضيق روحت ل ماما كانت لابسه ومستنياني 
_هو فيه ايه يا ماما 
_ايه يا اختي خطوبتك بكره مش محمد قالك بليل واتفقتوا
بصتلها بدهشه _اتفقنا لا متفقناش على حاجه مين قال كده 
_ازاي يعني يا بت يلا ادخلي بسرعه محمد تحت يلا 
دخلت بضيق لبست ونزلت مع ماما وانا بنفخ محمد كان قاعد في العربيه وهو مبتسم بصيتله بغيظ وركبت انا و ماما وقفنا عند اتيليه ونزلنا 
_يلا يا غاليه ادخلي عشان نختار 
_هو بجد الخطوبه بكره 
اتكلم ببرود_يعني ههزر يلا ادخلي عشان نختار الفستان 
دخلنا المحل ووقفت بصيت على الفساتين بضيق ف محمد اتكلم 
_يلا اختاري بتبصي كده ليه 
اتكلمت بضيق_ مش عاجبني حاجه 
بص على الفساتين وشاورلي على واحد
_الفستان ده جميل 
اتكلمت بضيق_ مش عاجبني 
_ازاي انتي معندكيش ذوق في اختيار الفساتين ولا ايه 
بصتله بزهق _ ولا فساتين ولا غيره وحياتك 
رفع حاجبه_قصدك ايه 
_ولا حاجه 
مشيت ناحية الفساتين وجبت واحد 
_انا هاخد ده 
بصله بضيق _لا ده هيبقى ضيق 
_لا على فكره هيكون حلو عليا 
_لا مش حلو شوفي غيره 
بصتله بزهق ووقفنا انا و ماما نختار وبعدها اختارنا واحد وهو اختار بدله وبعدها روحنا واستأذن يمشي عشان يجهز نفسه واحنا طلعنا جبنا ارقام قرايبنا وعزمناهم واتكلمت مع الكوافيره تجيلي البيت كنت قاعده وماما دخلت 
_يلا جهزي نفسك عشان هنروق الشقه 
بصيت بملل _شقة ايه يا ماما ما هي حلوه اهي 
_حلوة ايه يا حبيبتي انتي مش شايفه يلا هنمسح المراوح والشبابيك و نغير السجاد ونحط المتشال 
بصتلها وتنحت _ مش عايزه حاجه تانيه تعمليها 
_خساره مفيش وقت نغسل السجاد والفرش
اتكلمت بضيق_احسن برضوا 
_بس هنشغل الغساله نخلص شوية الغسيل دول واحنا بنروق على الماشي 
بصتلها پصدمه وفتحت بوقي فهي زقتني _يلا يا غاليه قدامي خلينا نخلص 
مسحت التلاجه وهي حطت دورة غسيل و غسلة المواعين و البوتجاز و الحمام وبعدها دخلت 
_انتي كل ده في التلاجه بس 
_اعمل ايه يا ماما لحد ما خلصتها 
_طيب يا اختي اطلعي امسحي المراوح 
_هو احنا في العيد يا ماما هي الناس هتتعلق على المراوح يعني 
_يلا بلاش غلبه يا بت امسحي المراوح اطلعي ربنا ما يحوجني لحد منكم ابدا 
طلعت وانا وقفت على السلم بضيق عشان امسح المروحه منك لله يا محمد يا ابن ام محمد يارب غسلت المراوح وهي مسحت الشبابيك وطلعت دورة غسيل ونشرتها وحطت غيرها وبعدها جت 
_يلا يا اختي عشان هتنزلي تحت السرير تمسحيه 
_يا ماما تحت سرير ايه هو انا فار وبعدين هي المعازيم هتنزل تحت السرير وتقعد 
_يلا يا بت قدامي 
عملت السراير وهي لبست الملايات ومسحت الشقه وقعدنا عشان نلبس الكنب و نفرش السجاد واخيرا خلصنا بصتلها بتعب 
_هو مش المفروض اني