سكرتيرة_ابن_عمي بقلم الكاتبة ايمان صلاح
معايا يا هنا
_ لا مش هينفع خليها وقت تاني
_ طيب هستناكي بكره انتي و سماح على الفطار
_ مش عارفه هيبقى اقولك
_ لا بجد يا هنا هروح بكره من الشغل بدري وأحضر الفطار واستناكم وهقول ل سماح
هزت راسها ومشيت واناطلعت جهزت السحور وكلمت سماح واتسحرنا وصلينا الفجر ودخلت نمت صحيت على صوتها خبط على الباب
قومت و خدت شور بسرعه ولبست وطلعت كان واقف بضيق
_ كل ده تأخير يا فرح فين الورق
_ اهو فيه ايه
_ فيه شغل
_ طيب ما انت صاحب الشغل
_ المفروض تكوني هناك بتحضري الشغل وتستقبلي الناس مش اجي اصحيكي
اتكلمت بتذمر _ لا الموضوع كبير عليا
بصتله وابتسمت وروحنا كان فيه ناس كتير واقفه قدام العياده دخلت بسرعه ونظمت ودخلت ليه ناس وبعد ما خلصوا قعدت بتعب بعدها جه الشخص اللي شوفته امبارح قعد قدامي وابتسم
_ ازيك يا انسه
_ الحمدلله مش الدكتور قالك ميعادك الاسبوع الجاي
_ اها بس انا كنت جايلك
_قصدي جاي اعرف اسمك بصراحه كده انا معجب بيكي
بصتله بدهشه وكنت هرد بس يونس كان قرب وقتها كان واقف بقاله شوية وانا مكنتش واخده بالي جه سند على المكتب وبصله بهدوء مريب _ بس الانسه مخطوبه
اټصدمت من يونس وهو اتكلم
_ايه ده بجد مكنتش اعرف
_ واهو عرفت اتفضل
كان بيتكلم پحده ف الراجل مشي وانا بصتله بذهول
بصلي ببرود _ انتي
_ بس انا مش مخطوبه !
_يعني كان عجبك أرجعه
_ لا طبعا
اتكلم ببرود _ يبقى اخرسي
سابني ودخل وانا بصيت عليه بدهشه مچنون ده ولا ايه !
بعد شوية دخلت واحده شكلها غريب ولبسها اغرب دخلت بدلع
_ دكتور يونس موجود
رفعت حاجبيك _ أقوله مين
رديت معرفش ليه قولتلها كده_اه فيه ناس مهمه جوه
ردت عليا بدلع _ طيب قوليله بوسي وهو هيدخلني سناني بتوجعني اوي
بصتلها بقرف ودخلت بضيق
_ فيه واحده قالعه بره
بصلي بريبه _نعم !
_قصدي واحده شكلها غريب عايزه تكشف بتقول اسمها بوسي
_ طيب ما تدخليها
_ إلا دي مستحيل تدخل
_زي ما بقولك كده إلا دي يا يونس تقف وتبص عليها
_ يا بنتي دي مريضه
_ لا والله هتشيل ذنوب
_ انتي عبيطه يا فرح
_ اه عبيطه
_ طيب دخليها الله يهديكي
هزيت راسي_لا لا
_ طيب وسعي كده
طلع ډخلها وكشف عليها وانا وقفت متغاظه اوي بس مردتش اسبهم!
خلصنا واستاذنت منه نروح بدري فروحت وجهزت الفطار مع ماما و جت سماح و هنا وفطرنا مع بعضبعد الفطار جهزت البلكونه وحطيت حلويات وعصير وتسالي وقعدنا بعد صلاة المغرب في الوقت ده يونس كان معدي بصلي وغمزلي ومشي وانا قلبي كان بيدق !
هنا بصتلي وغمزتلي
_ ممكن اعرف سرحانه في ايه
_ها ولا حاجه
_ عليا برضوا ده انا هنا قولي بقى متكسفيش
_ يا بنتي هتكسف من ايه هو بس حصل موقف النهارده
هنا اتكلمت بفضول _ موقف ايه الحصل
هقولكم دلوقتي حكتلهم الحصل وهي بصت ل سماح وغمزتلها
_ شوفتي مش قولتلك
بصتلها بشك _ قولتلها ايه
_ أنه بيحبك طبعا
اتكلمت بدهشه_ مين يونس بيحبني انا
هنا اتكلمت_ اكيد هيكون مين يعني
اتكلمت ببلاها _ ياريت يكون كده
سماح اتكلمت بعقلانيه _ هو فعلا باين بيحبك ومن زمان كمان ومين عالم يمكن نحضر فرحكم بعد العيد
اتكلمت وانا بحلم _يارب يارب
سماح اتكلمت _ هو انتي ازاي مش حاسه أنه بيحبك
