رواية الادهم بقلم اسلام فرغلي

و دا غير انوا بياكل عضم الفراخ و يسيب اللحم
الطبيب انا سألت ادهم بخصوص الموضوع ده لكن رد عليا باجابة مقنعة لما قال انوا احيانا بيكون زعلان من صديق ليه او زعلان من اي حاجة عموما بيحب يقعد مع نفسه لحد ما يبقي كويس .. وأكله لعضم الفراخ دي ملهاش تفسير غير ان ابنكم مبيحبش الفراخ
والد الادهم لكن يا دكتور انا نسيت اقولك ان الادهم من هو عندوا خمس سنين وهو بيعمل نفس الكلام .. بيقفل علي نفسه وبيقعد وسط الضلمة ..
الطبيب زي ما قولت لحضرتك استاذ عماد .. علميا ان اي شخص يقعد في مكان لوحدوا ووسط الضلمة دا بيكون زعلان من حاجة او مكتئب شوية .. اهم حاجة وعلاج الموضوع دا ان تحاولوا متخلهوش يزعل ولا يكتئب ..
رجع الادهم ووالديه البيت و كان في انتظارهم صابر صابر هو اخ من اخوات عماد و عم الادهم .. 
صابر في حاجة ولا ايه يا عماد  
عماد والد الادهم لا كنا في مشوار كده .. انت كنت عايز حاجة و لا ايه . 
صابر طيب نقعد كده وام ادهم تعملنا كوبايتين شاي عشان الموضوع اللي انا عايزك فيه مهم شوية .. 
جلس عماد وا خوه صابر ثم جلس الادهم بجانب عمه صابر .. صابر بص ناحية الادهم وقال 
قوم ياد يا ادهم العب متقعدش مع الكبار وهما بيقولوا كلام مهم .. 
الادهم وقف من مكانه عشان يمشي .. لكن عماد والده افتكر كلام الطبيب لما قال محدش يحاول يزعلوا .. عماد قال لابنه 
لا خليك يا ادهم قاعد عادي انت كبرت وتعرف تفهم كلام الكبار عمك بيضحك معاك بس 
صابر اقترب من والد الادهم وقال بصوت منخفض 
انا بتكلم بجد .. ابنك مينفعش يسمع اللي هقولوا .
عماد والد الادهم قال بنفس الصوت المنخفض لاخوه صابر 
الواد بتجيلوا حالة اكتئاب وبيزعل بسرعة يا صابر .. معلش خليه قاعد و قول اللي عايز تقوله .
صابر نظر ناحية الادهم بعنيه و هو متوتر ثم نظر الي اخيه عماد والد الادهم وقال بصوت خافض وهو بيقرب علي اخوه 
عملت ايه في الموضوع اللي قولتلك عليه .
والد الادهم اتكلم وقال 
موضوع ايه ! .. فكرني معلش يا صابر عشان انا اليومين دول بقيت بنسي بسرعة ..
صابر تحدث بنفس الصوت الخافض وقال 
في ايه يا عماد ! دا انا لسه مكلمك فيه امبارح في التليفون علي العموم موضوع الصندوق المدفون دا اللي بيقولوا عليه باقي العيلة و ان مفيش حد في العيلة عارف يوصله ..
والد الادهم يا عم متصدقش موضوع الصندوق دا دي حكاية من ايام جدي و جدككانوا بيحكولنا عليها وقالوا ان مفيش حد من العيلة عرف يوصل للصندوق هنيجي احنا بعد السنين دي كلها و هنلاقيه سيبك يا صابر من الموضوع دا خالص ولو هتفضل معلق عليه يبقي انا مليش دعوة بيه .
صابر يا عماد انت عارف الخير اللي في الصندوق دا قد ايه  
عماد قطع حديث صابر ثم قال 
و اعرف بردوا الشړ اللي وراه و ان كل اللي بيدور علي الصندوق يبقي بيبحث علي المتاعب لنفسه ..
صابر احنا مش هندور عليه ولا نتعب في حاجة احنا هنجيب اللي هيدور ويقولنا فين مكانه ..
عماد هتجيب مين يعني !
صابر عمران العراف دا واحد معروف انوا بيفهم و عندوا علم في الحاجات .. ماهو انت لو كان لسه معاك الجنية