الاسكريبت كامل

معاك 
_غصب عنى امى والعيله كلها بتضغط عليا انا اسف 
هه خلى اسفك لنفسك ورقه طلاقى توصلنى قبل ما تكتب كتابك ع التانيه اذا سمحت 
_حياه ارجوكى بلاش انا بحبك مش هقدر ابعد عنك 
طيب تعالى نتخيل مع بعض انا دلوقتى هتجوز واحد غيرك رد فعلك اى 
شوفت مش قادر ترد حتى ورقه طلاقى وف اسرع وقت لو سمحت وعن اذنك بقا اتكل ع الله
قفلت الباب قبل ما يقول اى حاجه كفايه لغايه هنا ۏجع قلب
عدا اسبوع عرفت أنه اتجوز ف شقتنا هه بيحبنى اوى فعلا صوت خبط ع الباب طلعنى من أفكارى قومت فتحت وانا حاسه بخمول ف جسمى لقيت صديقه طفولتى ورد كانت دايما تقولى بلاش سيف دا بتاع بنات بس انا زى الهبله صدقت أنه بقا مخلص ليا ولحبى
_ها عامله اى 
اهو قاعده مستنيه الڤرج
_واى الڤرج دا!!
انه يطلقنى 
_ااه طيب طيب سيبك من سيرته وقومى اعمليلنا عصير وانا جايبه تسالى نتفرج ع فيلم سوا اصلى ناويه ابات عندك 
قومت وانا حاسه بدوخه وصداع رهيب وفجاءه وقعت ع الأرض ومحستش غير و ورد بتصحينى ومعاها واحده من شكلها والبالتو فهمت أنها دكتوره عدلت نفسي وقعدت كويس 
مكنش له لزوم تجيبى دكتوره ي ورد ده مجرد إرهاق مش اكتر 
_ي شيخه دى تانى مره تقعى من طولك وبعدين مبروك ي ستى 
مبروك!!.. مبروك ع اى 
_حضرتك حامل ي مدام 
حح...حامل 
الجزء الأول اسكريبت
سلسله حياه سيف
_ايوه حامل ي حياه وأعتقد دى فرصه علشان تصلحى اللى حصل بينك وبين سيف رغم انى مش بطيقه بس علشان الخاطر النونو اللى جاى 
يااه ع سخريه القدر اتجوز عليا علشان يجيب طفل وبعد ما يتجوز اكتشف الحمل بجد ولا الافلام الهندى
اصلح اي معلش هو قلبى اللى كسره وكرامتى اللى اتهانت تتصلح هل ثقتى فيه هترجع زى الاول عايزانى اعيش مع دره انا بس هقوله علشان من حقه يعرف أن له ابن جاى ف السكه غير كدا مش هيحصل 
وفعلا بعت له رساله علشان يعجل موضوع الطلاق وبعد ما اتاكد انى أطلقت منه رسمى هقوله ع الطفل
_انا بجد مش فهماكى ي حياه هتبقى مطلقه وانتى عارفه كويس اوى نظره الناس للست المطلقه وكمان هيبقى معاكى طفل هل هتقدرى تتحملي مسئوليته لوحدك هتربيه لوحدك 
الناس بتبص للست المطلقه ع أنها ارتكبت چريمه بس انا مش فارق معايا لا الناس ولا غيره وبالنسبه للطفل اللى جاى ربنا مش بيسيب حد واكيد ربنا هيقف معايا
سبيها ع الله 
عدا يومين وبعت لى ورقه طلاقى وانا بعت له انى حامل فكرنى بهزر لانه مردش عليا رغم أنه شاف الرساله
_مردش عليكى ازاى يعنى مش دا العيل اللى كان ھيموت عليه 
صمت صمت تام مش قادره اتكلم مش عارفه اعبر اد اى انا مقهوره وتعبانه مش كفايه انه باعنى حتى
ابنه مش عايزه 
عدا عليا تسع شهور
من اسوء الأيام اللى مرت ف حياتى من تعب نفسي وجسدى ومن هرمونات حمل كانت ورده واقفه جمبى بجد الصحاب اللى معاك وقت ضيقك دى اجدع صحاب جاه يوم حملى كان اصعب وقت مريت بيه كنت حاسه روحى بتطلع بس نورت الدنيا نور عينى سما الاسم اللى انا وهو كنا متفقين عليه اخباره بتوصلني عرفت أن مراته كانت حامل بس البيبى سقط وحصل لها مشاكل مما أدى لاستقصال الرحم وأمه ماټت بقهرتها حسيت أن ربنا بيرد لى حقى منهم انا مش شمتانه فيهم بالعكس بدعلهم دايما
_عامله اى ي حياه والصغنن عامله اى
مدوخه امى والله زن زن لما مش عارفه انام 
_معلش هتتعودى بعد كدا....بقولك اى رايك ننزل نتمشي شويه من ساعه لما اتطلقتى وانتى قاعده ف البيت 
حاضر هقوم البس والبس سما وننزل بالمره اشترى حاجات ناقصه ف البيت 
لبست ونزلنا ويااريت ما نزلنا شوفته ماشى ف الشارع وماسك كياس الخضار ف أيده مكنش بيحبنى انزل اجيب السوق وكان دايما يجيبه هو لسه بيعمل كدا بس معاها حسيت قلبى بيدق جامد لما بصلى وبعدين بص لسما اللى ف مننا بهدوء ووقف قدامى فضل باصص عليا وع سما 
_اا..انتى اتجوزتى وخلفتى 
صډمه اتجوزت ازاى هو مش انا قولتله أنها بنته
ازيك عامل اى 
تجاهلت سؤاله رغم أن الفضول هيقتلنى ازاى مش انا بعت له رساله انى حامل 
_كنت مفكر انك بتحبينى متوقعتش انك تكملى حياتك 
كان باصص ف الأرض دموعه نزلت بس مسحها بسرعه انا مش فاهمه حاجه هو مش كان جاحد ماله بقا
معلش أنت عامل نفسك عبيط هو انا مش قولتلك انى حامل وانت تجاهلت الموضوع وبعدين لا متجوزتش وحتى لو اتجوزت انت مالك 
_ااا انتى مقولتليش انك حامل 
لا قولتلك بعت لك رساله 
_ازاى انا مشفتش حاجه
شوفت بقا اكيد مراتك شافتها ومسحتها شكلها كانت مفكره انى عامله حوار علشان ارجعلك
فعلا طلعت مراته مسحت الرساله طلقها وحاول يرجع لى بس لا والف لا بقا يجى يشوف بنته من وقت للتانى وانا اشتغلت وعملت كرير لنفسي
الخلاصه أن الحياه مش بتقف ع حد 
اسفه ع التأخير والكروته بس عندى اسبابى الخاصه
تكمله الاسكريبت
سلسله حياه سيف
بقلم منه محمد