من أولاد الجبالى
انت في الصفحة 1 من 5 صفحات
أولاد الجبالى 3
الحلقة الحادية عشر
بسم الله والصلاة والسلام على رسول الله
بينما أنت حزين قلبك مكتظ بالهموم والآلام وروحك متعبة من كل شيء الله يدبر لك مايرضيك اطمئن
رحبت زهيرة بمحمود ونهلة كثيرا ودعتهم الجلوس قليلا حتى تنتهى جليلة من ترتيب غرفتهم ونقل أمتعتهم .
وبينما هم فى هدوء إذ صدح صوت صړاخ عالى من قبل الدور الأول فى القصر جعل الجميع فى حالة هلع يترقبون ما يحدث .
محمود بفزع هو فى ايه مين بتصرخ كده
لتستطرد نهلة پذعر أنا جلبى وچعنى جوى .
لتطل عليهم جليلة من فوق قائلة إلحجى يا ست زهيرة ست عزة عتتوچع جوى وشكلها عتولد .
_ وبتجولك كلمى سى الدكتور باسم وشيعيله يچى بسرعة .
لتتقابل مع جليلة ملك وبانة وزاد بعد أن أيقظهم من نومهم صوت الصړاخ فخرجوا على أثره .
وكان فى مقدمتهم ملك الذى أسرعت فى إمساك يديها بحنو بعد أن كانت تستند عزة على خزينة الملابس منحنية بجسدها للأمام وتضع رأسها على الخزينة وتمسك بإحدى يديها بطنها مټألمة وتصرخ .
أراحت ملك كف يدى عزة بين يديها مرتبة عليه بحنو مرددة سلامتك يا عزة معلش إستحملى شوى وان شاء الله تقومى بالسلامة أنت وحبيبة جلبى ريحانة .
حاولت زاد تهدئتها بقولها معلش يا حبيبتى مچربة الوچع أنا ربنا يچعلها ساعة سهلة عليك أكده .
أما بانة فتذمرت بقولها بطلى صړيخ عاد أكده هو أنت أول وحدة تولدى ولا إيه عاد !!
ثم أشارت إلى ملك وزاد بحدة
_ وانتم بعدوا عنها أكده عشان متكتموش نفسها والبت تنزل مفرفرة .
_ وقولى يارب يسهلها الحال .
فوضعت بانة يديها على خصرها ومالت بعض الشىء وذمت شفتيها مردفة انا حديتى ماسخ يا زاد ولا هو كهون نسوان وخلاص .
_بعدوا عنها عشان متتكهنش أكده كتير من كتر الدلع الماسخ ده.
ده انا ولدت ولدى غيث الله يحرسه وانا واجفة .
_ وأنت يا ست ملك روحى نامى وسيبك من الحچات دى عشان ملكيش فيها .
فانفطر قلب ملك للمرة الثانية بسبب تلك المتعجرفة التى لا تراعى إحساسها .
وحاولت ملك بلع غصة مريرة مرت فى حلقها بصعوبة ولمعت فى عينيها الدموع وانكمشت على نفسها.
ثم ربتت على يد عزة بحنو قائلة بصوت مخڼوق حزين ربى يجومك بالسلامة هروح عاد وأچى أطمن عليك تانى .
وما أن خرجت حتى رمقتها زاد بنظرة ڼارية مردفة أنت مفيش فايدة فيك مش تحاسبى على ملافظك اللى كيف الحية دى .
_ حرام عليك ملك تكسرى بخاطرها كل شوية اتقى الله شوية بيكفى اللى هى فيه .
_ فبزيادة كل شوية تفكريها إنها مهتخلفش حرام عليكى والله .
فصكت بانة على أسنانها بغيظ مجيبة عليها بجولك ايه يا زاد متعمليش عليه شيخة وخليك فى نفسك عاد بلا هم .
_ وانا ماشية يا أختى بدال كلمتى لكل واحدة منيكم هتوجف فى الزور حريم عايزة الكتل وربنا .
ثم ذمت شفتيها وأشارت إلى عزة وأنت خدى نفس أكده واكتميه عشان الۏجع يقل وأمسكى نفسك عاد عشان البت متنزلش هينة وتطلع قوية كيف عمتها .
فحركت زاد رأسها بإستنكار من حديثها أما عزة فهاجمها الألم أكثر فازداد صړاخها وقامت بالنداء هاتولى چوزى يلحجنى أبوس إيديكم بمۏت .
فحركت بانة شفتيها يمينا ويسارا بإستهجان يختى باسم اللى عيولدك يعنى ولا ايه !
_ ولا هو تلزيق وخلاص وأنت خابرة أنه عيحب ملك وأنت مخليك عشان تچيبى العيال وبس .
فصړخت عزة حرام عليك انا مش ناجصة كفاية اللى انا فيه .
فقامت بانة پغضب من جلستها مردفة خلاص خلاص أنا جايمة وسيبهالكم مخضرة ولما تولدى إبجوا شيعولى أشوف البت عشان لو طلعت حلوة كيف إخوى احچزها لولدى غيث أما لو طلعت كيفك أكده خليها لإبن براء هو كيف أبوه روحه حلوة
