أشهر بيت في لبنان

واحد صاحبه راح سهر معاه ليله كامله في شقته واكلوا وشربوا وباتوا سوا لكن بعدها اكتشف انه مكنش صاحبه ولا اي بني ادم  مطلعش انسان اساسا !!

بيت مريب وبتحصل فيه حاجات غريبه دا حتي يا عزيزي مالك البيت دا طلع في لقاء علي التليفزيون وحكي الي بيحصل في البيت

هي دي قصتنا يمرعب بس الاول اعمل كبايه الشاي الجميله ومكانك الهادي وطفي النور ويلا بينا يمرعب

القصه دي حصلت سنه 2014 لشاب مصري من مدينه المنصوره اسمه(اسلام عدلي) اسلام سافر للبنان علشان يشتغل هناك ويكون نفسه

بيحكي اسلام وبيقول الموضوع بدأت لما سافرت لبنان علشان اشتغل وكنت شغال في منطقه البقاع بلبنان

وكنت عايش طبيعي مع زمالي في الشغل ويومي روتيني جدا ما بين شغلي لغرفتي

وكنت ساكن في سكن تابع للشغل وبصراحه زهقت من عدم الخصوصيه فيه خصوصا اننا كنا خمسه في غرفه صغيره بس بردوا مرتبي ميكفيش اخد سكن خاص بيا

لكن في يوم قريت اعلان في جريده عن تأجير غرفه في منطقه البقاع والسعر كان بسيط وقررت اكلم الرقم الي مكتوب في الاعلان وبالفعل اخدت الغرفه

الغرفه كانت صغيره مجرد ما تفتح الباب هتلاقي حمام علي شمالك وركن صغير المفروض انه مطبخ وعلي يمينك هتشوف سرير وجمبه ترابيزه عليها تلفزيون

المكان كان كويس لفرد واحد واهو ارحم من سكن الشغل

بيقول اسلام سكنت في الغرفه وكل شئ كان تمام صحابي كانوا بيجوا نسهر سوا الليل كله وبعدين يمشوا وانا بنام عادي

اسلام بيقول بس كنت طول ما انا في الاوضه دي بحس ان في حاجه غريبه حاجه مش طبيعيه

الغرفه كانت صغيره ومفيش فيها غير شباك واحد ولما بيتقفل وبتطفي النور اقدر اقولك انك حرفيا مبتشوفش كف ايدك 

وبليل لما كنت بطفي النور وبحاول انام كنت بحس بخطوات جايه من بره تحديدا في الحمام بس انا كنت بقول يمكن حد بره الغرفه عادي وكنت بلاقي تفسير للي بيحصل لحد اليوم الي ملقتش للي حصل فيه اي تفسير

ببيقول اسلام في اليوم دا كنت راجع تعبان من شغلي فدخلت الغرفه شغلت التلفزيون واترميت علي السرير وكنت نايم علي ضهري وفارد رجل ورجلي التانيه متنيه بحيث ركبتي للسقف وكنت بحرك رجلي المتنيه يمين وشمال وفضلت كده لحد ما رحت في النوم

بص يعزيزي الامور لحد هنا بالنسبه لأسلام طبيعيه وعاديه الي حدا ما لكن الي هيحصل بعد كده مش عادي ولاطبيعي

اسلام بيقول صحيت علي صوت همس في ودني ولما فتحت عنيا الغرفه كانت ضلمه والتلفزيون  مقفول مع اني متأكد اني كنت سايب النور شغال والتلفزيون شغال طيب ايه الي طفاهم؟؟

بيقول انه مكنش في غير مصدر ضوء واحد بس وكان جاي من تحت  باب الحمام وكنت نايم نفس نومتي فارد رجل والرجل التانيه متنيه وبهز فيها لكن الي رعبني هو ان رجلي بتروح يمين وشمال لوحدهاا مش انا الي بتحكم فيها اصلا

حرفيا انا جسمي اتخشب من الړعب ووبص جمبي وشفتهاا... 
 شفت بنت صغيره شعرها كان خشن وقصير مش طويل وكانت واقفه جمب السرير وحاطه ايدها الشمال علي ركبتي وبتحرك في رجلي يمين وشمال

وكانت ايدها اليمين في جميها وكانت باصه في الارض وبتميل مع رجلي لقدام ولورا

في الوقت دا انا اټرعبت وكل الي افتكره اني في لحظات كنت بره الاوضه قومت ازاي جريت ازاي معرفش  فتحت الباب ازاي بردو معرفش كل الي اعرفه اني في لحظه كنت بره الغرفه فمديت ايدي من بره ونورت نور الغرفه لكن الغرفه لما نورت مكنش فيها اي حاجه

انتوا ممكن تفتكروا اني كنت بحلم بس دا الي انا اقنعت نفسي بيه وقولت يمكن حلم يقظه بس الي انا متأكد منه انه مش حلم ابدا دا كان حقيقه

بيقول اسلام دخلت الغرفه وانا مړعوپ واخدت تليفوني وكلمت شريف صحبي وقولتله تعالي بات معايا في اوضتي الليله دي

بس مرضتش احكيله الي حصل معايا علشان ميخفش وبالفعل شريف قالي مسافه السكه وجاي

وبالفعل استنيت شريف في الشارع لحد ما وصل ودخلنا الاوضه وانا لسه الړعب باين علي ملامح وشي وجسمي بيصب عرق

فشريف سألني ايه مالك في ايه ؟؟

فحكتله علي كل الي حصل معايا بالتفصيل لكن شريف فضل يضحك ويقول عفاريت ايه يبني بس وجن ايه وبنت ايه قوم قوم اعملي نسكافيه

بيقول اسلام قولتله مش قادر اعمل حاجه قوم اعمل لنفسك انت اخرك معايا اصبلك بيبسي

بيقول اسلام بالفعل صبيت لشريف بيبسي وشرب عادي 
وبعدها فتحت التلفزيون وقولتله انا هنام

وانا نمت علي سريري وشريف فرش علي الارض جمب السرير ونام

وانا كمان رحت في النوم لكن الليله النحس دي لسه مخلصتش وصحيت علي صوت غريب

كان صوت زمجره وتشنجات خارجه من شريف التلفزيون لقيته مقفول مع ان متأكد ان سايبه شغال وشوفت نفس الاضاءه خارجه من تحت باب الحمام

قولت لنفسي عادي ممكن شريف نايم وبيحلم لكن الي كان راعبني هو ان شريف كان نايم علي ضهره ورافع رجله الشمال عن الارض رجليه مفروده لكن اقدامه مرفوعين ومش لامسين الارض 
بدأت ابعد عنه وكنت بنادي عليه لكن صوتي مكنش طالع

وفجأه خۏفي ذاد خصوصا لما لاحظت ان رجل شريف بتطول ايوه زي مبقولك كده اقدامه كانت بتطول بشكل مرعب  وفجأه جسم شريف اتنفض ولقيت شريف قام قعد وكانت ملامحه مرعبه وعيونه عيونه كانت سوده تماما ومفيش اي بياض فيها وصړخ فيا وقالي انا مش شريف ...

بيقول اسلام انا شفت الي حصل ده وطلعت جري في الشارع كنت حاسس انه بيجري ورايا ومحستش بنفسي غير والناس بتوقفني وبتسألني مالك 
بس مردتش عليهم

بعدها وقفت وبدأت اقنع نفسي أنه حلم واني سبت شريف نايم وان ممكن يكون شريف لما شافني خاېف حب يطفي النور ويعمل الاصوات دي

ورجعت للسكن علشان اشوف في ايه

اسلام بيقول الشئ الغريب اني وصلت لقيت نور الغرفه شغال والتلفزيون شغال مع ان لما جريت كانوا مطفيين والمريب اني ملقتش شريف موجود

قومت اخدت تيلفوني وكلمت شريف وقولت اكلمه اخليه يرجع انا كده كده مقعدتش بره غير دقايق اكيد هو مبعدش عن هنا لكن لقيت تيلفونه مقفول فضلت اتصل كذا مره لكن كان مقفول بردو

اسلام بيقول بعتله رساله علي الواتساب ان لما تفتح كلمني وانت فين يا شريف

الغريب ان لقيت الرساله وصلت بعلامتين صح بس هو مشفهاش معني كده ان موبايله مفتوح طيب ازاي برن بيديني مقفول قولت يمكن شبكه ؟؟

فقولت اجرب ارن عليه واتساب وبالفعل رد عليا شريف

لكن الغريب ان صوته كان باين عليه انه كان نايم وانا الي صحيته

قولتله انت هتهزر هو انت لحقت تروح وتنام انت كنت عندي من دقايق وبعدين ايه الهزار التقيل دا يا شريف

شريف قالي هزار ايه وعندك ازاي

قولتله لف وارجع يا شريف متهزرش

لكن شريف قالي يبني انا اصلا نزلت مصر انهارده اجازه ازاي بقي جيت عندك

بيقول اسلام في الحظه دي انا كنت هتجنن او هتجرالي حاجه كنت من الخۏف مش عارف احرك رجليا حتي

طيب مين الي كان معايا وفضلنا نتكلم واتريق عليا وكان بيضحك وشربنا سوا بيبسي وقالي نام واطمن انا معاك ؟؟

بيقول اسلام طلعت جري من الاوضه وطلعت ورحت لمحمود صحبي وطول الطريق بترعش وكنت ببص للناس وانا اصلا خاېف منهم

وصلت لمحمود وبدأت احكيله لكن هو كان بيضحك وبيقولي هي المخډرات الي ضيعت عقولكم وكان بيضحك بهستريا

بدأت اتعصب عليه واحلف اني مش بهزر وان دا حصل فعلا