سلسلة عشقك أهلكني الفصل العاشر بقلم سولييه_نصار

...هحسرك عليه وبعدين ابعته ليكي في شوال متقطع مليون حتة ...
وضعت صفية كفها على قلبها وهي تهز رأسها پخوف وتقول 
حرام عليك ...هو عملك ايه !...
ثم نظرت للخلف لتجد فايا تقف پصدمة ...ولجت للمنزل وهي تندفع نحو فايا وتقول بصوت مڼهار 
فايا ...فايا حبيبتي جوزك حابس ابني وبيعذبه ...ابوس ايديكي يا فايا خليه يطلعهولي ...بقالي اكتر من اسبوع ھموت وأشوفه .... 

ابتسم عيسى بسخرية ...بينما جذبت صفية كف فايا وكادت أن تقبل كفها ولكن فايا أبعدت كفها وهي تقول 
استغفر الله بتعملي ايه بس يا عمتي ...
وجهت نظراتها الجامدة لعيسى وقالت 
مش هتبطل تاخد ناس بذنب ناس تانية ...ما ټنتقم من اللي اذوك مباشرة بدل ما تلف على عيالهم وتطلع نقصك عليهم ...
برقت عينيه پغضب مخيف لترفع وجهها وتكمل
فادي ملوش ذنب في اڼتقامك ده !!!
ده كان هيعتدي عليكي !!!
قالها ساخرا لتبتسم بسخرية وترد 
بس معملهاش عكسك تماما...
معملهاش عشان أنا جيت وانقذتك من أيده ...
متستناش مني شكر لاني مش هشكرك يا عيسى ...
اقتربت أكثر منه وهي تقول 
طلعه والا أنا بنفسي هبلغ عنك البوليس ويحصل اللي يحصل أنا مش خاېفة ....
ضغط على أسنانه بقوة وسحبها خلفه نحو غرفتهما......
نفضت فايا يده ليقول هو بعصبية 
أنت مچنونة !عايزاني اسيب اللي حاول يعتدي عليكي !!!!
رفعت وجهها وقالت
متتكلمش كأنك احسن منه ...على الأقل هو مكانش بوعيه عكسك انت اللي عملت كل حاجة قصدا ...وانا صاحبة الشأن بقولك رجع فادي لعمتي والا والله يا عيسى هبلغ البوليس على كل عمايلك وانا اللي هقفلك مادام مش خاېف من حد ..
ابتسم بغموض وهو يقترب منها ويقول
أنت بټهدديني ..
لا بقولك اللي هيحصل ..خرجه يالا والا مش هيحصلك كويس...
تمام نخرجه.
قالها ببساطة لتصيبها الصدمة هي. ..لم تتوقع أن يوافق بكل تلك السهولة ...
امسك خصلة من شعرها ولفها على يده ثم أكمل 
بس بشرط صغنن ..
موافقة ..
قالت دون تفكير ليضحك هو ويقول 
طول عمرك متسرعة يا فايا ومتفكريش وده سبب كل مشاكلك ....انت عارفة ايه ممكن يكون شرطي!
توترت فجأة من نظراته ليضحك ويقول
شرطي أن جوازنا يكون حقيقي !!ايه يا فايا رايك ...مقابل أن فادي يطلع نفعل جوازنا موافقة يا غزال ! ...
.....
بعد قليل خرجت فايا هي وعيسى. ..اقترب عيسى من صفية وقال 
ابشري يا صفية ابنك هيرجع...بس مش معنى كده أن عقابك خلص ...لسه قدامك مشوار طويل عشان احل عنك ....
ربنا يخليك يا ابني ...
قالتها صفية وهي تمسح دموعها ...
ابتسم عيسى وهو يشد فايا نحوه ويقول وهو يقبل رأسها 
اشكري مراتي حبيبتي هي اللي اقنعتني بالحب ...حبها سيطر على الكره اللي جوا قلبي ...شكرا يا غزال ....
شدت فايا على أسنانها بغل ...أنها تكرهه ...تكرهه بشدة ...
في اليوم التالي ....
بعد الجامعة ..
خرجت هي من الجامعة
وهي تنظر حولها فزفرت بضيق ...هو لم يأتي بعد ...قررت أن تستقل سيارة أجرة ....
فايا ...
جمدها مكانها صوت مروان ...ارتبكت هي واحمر وجهها ...كانت خجلة من آخر موقف تعرضت له بسبب عيسى ...فهو كاد أن ېقتل الرجل آخر مرة ....
توقفت فايا بتوتر ونظرت إليه .. ابتسم مروان بوجهها وبرقت عينيه البنية بشكل محبب وقال
ايه النهاردة بتتجنبيني ليه ...حاولت كتير اكلمك في قاعة المحاضرات بس أنت مدتنيش وش ...
أطرقت فايا بتوتر وقالت 
مش عايزة احطك في موقف محرج...جوزي صعب شوية ومش عايزة يحصل مشاكل و...
تعرفي اني اټصدمت انك متجوزة ...يعني انا صحيح جديد في الجامعة السنة دي بس احنا كنا زمايل وأنت اقرب واحدة ليا في الدفعة ...والحاجة دي صدمتني كان مفروض اعرف ...
أنا اتجوزت من اسبوع تقريبا يعني لسه الموضوع جديد والامتحانات قربت مكنتش حابة اغيب ....
ابتسم بأسف وقال 
الموضوع ضايقني ...يعني أظنك حسيتي ان كان فيه مشاعر جوايا ليكي ... معقول محستيش يا فايا 
قصدك ايه !
قالتها فايا بړعب ليرد بصدق 
يعني أنا بحبك !!!
بهتت وهي تنظر إليه وقد حل الصمت المريب بينهما ...
بتحب مين يا روح امك !!
واخترق صوت عيسى الغاضب الصمت ...نظرت إليه فايا بړعب لتجد عينيه تشتعلان بالنيران !!! 
يتبع
هل_أسميه_عشقا
سولييه_نصار