رواية الخطيئة بقلم ولاء حامد

عمر 
سيف اهلا وسهلا يا ابو خالد 
محمود اهلا بيك وحمد الله على السلامة 
سيف الله يسلمك معلش والله كنت واصل من السفر تعبان وكنت ناوي ان شاء الله بالليل اعدي عليكم علشان تاخدوا الأمانه هي في الحفظ والصون والله متخافش
محمود في بيتها والله متتعبش نفسك قولي انتا فين وانا هاجي اخدها عيب نتعبك وانتا جاي من سفر واكيد أهلك وناسك وحشينك 
سيف ولا يهمك خلاص نص ساعه وقابلني عن قهوه ..... عارفها
محمود اه عارفها ان شاء الله نص ساعه وهتلاقيني قدامك مع السلامه 
سيف مع السلامه 
وقفل معاه واتحرك على المكان اللي قاله عليه 
وفعلا جه الراجل في ميعاده بعد السلامات والترحيب 
سيف دي الأمانه اللي بعتها عمر معايا 
محمود بإستغراب من حجم الشنطه 
محمود بزياده تأكيد هي دي متأكد 
سيف بإستغراب ايوه والله تقدر تتصل بيه 
محمود بتوضيح من الاحراج لا والله مش القصد اصله قالي انهم حاجتين فاستغربت انها شنطه كامله 
سيف ولا يهمك يلا سلام عليكم معلش بقى والله سيبت الناس في البيت وجيت علشان ميعادي 
محمود بتفهم ولا يهمك معلش تعبتك معايا 
ومشي سيف واتحرك محمود لشقه اخته 
وصل ورن الجرس 
يا ترى ندا هاتعمل إيه.
وصل محمود ورن الجرس ندا بصت من العين السحريه وشافت انه اخوها لبست الاسدال على مضض
وفتحت الباب
ندا بترحاب مزيف وهي مش طايقه اخوها ازيك يا محمود اتفضل
محمود الحمد لله وحط الشنطه اللي معاه جوه الشقه
ندا بإستغراب إيه دي 
محمود دي الأمانه بتاعت جوزك
ندا مين اللي جابهالك
محمود انا اتواصلت مع صاحب جوزك وهو لسه جايبهالي
ندا طبعا وفتحتها وشوفت اللي جواها 
محمود پغضب لا كان طبعي ولا اسلوبي انا خدتها من الراجل عليكي تقدري تتأكدي بنفسك يلا سلام سابها ونزل
ندا رزعت الباب وراه وقلعت الاسدال يا ساتر عيل خنيق 
وحاولت تفتح الشنطه لقيتها مقفوله بأرقام سريه مسكت الموبايل بسرعه ورنت على جوزها
عمر كنسل ورن عليها 
عمر ايوه يا ندوش
ندا بدلع ايوه يا قلب ندوش محمود جابلي شنطه بس جيت افتحها مقفوله بأرقام
عمر ايوه ارقامها 2311
ندا اشمعنى 
عمر عيد ميلادك يلا افتحيها وبالليل نتكلم على النت ماشي سلام
ندا بسرعه ولهفه فتحت الشنطه ولقيت فيها موبايل حديث ولاب توب غالي ظرف فيه فلوس دينارات وهدوم بيت وعبايات خليجي خروج ومكياج وبرفان وشوزات وشنط شيك 
ندا بصت على العبايات بقرف ومفكرتش حتى تبص عليهم ومسكت اللاب توب بسرعه ووصلته بالشاحن ووصلت سلك النت وبدائت تنزل كل اللي عايزاه عليه والوقت سرقها ومحستش بنفسها أصلا ولا بالوقت 
عمر رن على التليفون 
ندا ايو يا حبيبي
عمر بحب قلب حبيبك افتحي نتكلم ماسنجر
ندا عنيا دقايق وافتح كنت بظبط اللاب توب 
عمر مبروكين عليكي يا قلبي تتهني بيهم انا فاتح وهستناكي 
فعلا ندا دخلت غيرت هدومها ولبست قميص شقه شيك جدا وحطت مكياج وظبطت شعرها وفتحت الماسنجر 
ووقت طويل قضته مع جوزها على النت بس في وسط الكلام
عمر ايه رأيك في الهدوم اللي بعتهالك
ندا كلها شيك معادا الجلاليب دي شكلها ياع اوي 
عمر بذهول جلاليب وياع دي عبايات خروج خليجي وكل عبايه منهم بمبلغ وقدره 
ندا بس انا مبحبش البس كده 
عمر بس انا خطبتك وانتي بتلبسي دريسات طويله وحجاب محتشم انا نقيت الهدوم دي بحب 
ندا قول بقى انك بتفرض عليا البس ايه ثم انا كنت بلبس دريسات بأوامر بابا اظن لما اتجوز من حقي ابقى حره واخد حريتي في اللبس اللي يريحني ويعجبني مش على ذوقك او زوق بابا
عمر وانا مش راجل بقرون علشان اسيب جسم مراتي فرجه للي يسوى وميواش 
ندا عمر اظن لبس حريه شخصيه ملكش تتدخل فيها زي ما انا مبتدخلش في لبسك
عمر الكلام داه تقوليه لعيل مسقط بنطلونه مش راجل دمه حامي 
ندا يعني ايه بقى ان شاء الله الكلام داه 
عمر يعني هايفضل لبسك محترم ومحتشم وداه اخر كلام
ندا وانا مش حابه اللبس اللي بعته
عمر براحتك بس بناطيل لا ولبس محزق وملزق لا
ندا دي أوامر بقى ولا ايه
عمر سميه زي ما تسميه ويلا سلام قفلتيني
قفل المكالمه وندا اتغاظت منه ونامت ولا فرق معاها كلام جوزها اصلا
تاني يوم صحيت واتصلت بمامتها 
مديحه بحب قلب ماما عامله ايه 
ندا مش كويسه خالص 
مديحه ليه يا ضي عيني 
عمر باعتلي جلاليب سوده وعايزني البسهم وزعقلي 
مديحه ولا يهمك يا قلبي البسي اللي يعجبك انتي لسه عروسه مش كفايه ابوكي طول عمره كابس على نفسك ومحكم رائيه تلبس إيه ومتلبسيش إيه 
ندا عندك حق وداه اللي كنت ناويه اعمله
مديحه طيب ما تيجي تقعدي معانا انهارده اخواتك كلهم هما وعيالهم جايين المغرب
ندا ماشي شويه وجايه
وفعلا ندا غيرت هدومها وراحت بيت أهلها حتى بدون إذن جوزها 
وأول ما وصلت الكل شهق من منظرها الا مديحه 
محسن بعصبيه ايه المنظر داه يا هانم داه لبس بنت محترمه ولا رقاصه في شارع الهرم
ندا ماله يا بابا لبس زي كل لبس البنات ولا عايزني افضل لابسه خيمه زي خلود وصفا
محسن بزعيق بتسمي الاحترام خيمه وبص لمديحه پغضب اتفضلي يا مدام تربيتك ودلعك
مديحه بمدح في بنتها مالها زي القمر ماله لبسها كل البنات بتلبس كده ودي موضه يعني 
محمد بتعقل ياماما مش معني ان اغلب البنات بتلبس كده ان داه الصح لا طبعا الدين هو الصح ستره المرآه صح بصي كده على شكلها بنطلون مفصل كل رجليها وبادي مفصل كل صدرها وجسمها وطرحه نص شعرها باين ومكياج صارح وبرفان ريحته تخنق 
ياماما حرام المفروض تقوميها للصح 
محمود بزعيق وياترى يا هانم جوزك عارف بمنظرك داه
ندا بكدب اه وموافق وقالي اعملي اللي يعجبك
الكل اټصدم في عمر 
محسن ايه موافق شكلي نظرتي خابت فيه كنت فاكر انه راجل محترم ودمه حامي مش راجل بقرون بيحب يتباهي بلحم مراته
مديحه بزعيق ايه حيلكم شويه على البت الكل ماسك كرباج ونازل سلخ فيها ليه علشان اتزوقت ولبست على الموضه شويه كفرت ايه ارحموا شويه ارحموا دي لسه عروسه متهنتش 
الكل هز رأسه بأسى وسابوهم وطلعوا بره 
وفضل مديحه وندا وصفا وميرفت زوجه محمود وأمل زوجه أحمد وعلا زوجه محمد 
محدش من الحريم نطق بكلمه 
ندا بتكبر بصي يا صفا انتي وخلود وعلا وميرفت وأمل جبيتكلم ايه عمر بعتهوملكم من الكويت وفتحت الكيس وطلعت الهدوم قدامهم 
خلود بإندهاش جوزك بعت دول لينا دول عبايات حرير خليجي الواحده بمبلغ وقدره 
صفا فعلا دول شياكه واناقة وحشمه كمان طيب متخليهم ليكي والله لو لبستيهم هاتبقى برنسيسه فيهم
ندا بغرور طول عمري برنسيسه مش محتاجه الهدوم اللي تعرفني نفسي
علا بتحفظ الأخلاق أهم من الشكل الشكل بيروح انما الأخلاق والاحترام باقي 
ندا بزعيق قصدك إيه اني مش محترمه ومعنديش اخلاق عاجبك يا ماما الكلام داه جيباني هنا علشان اتهزاء من اللي يسوى وبصت عل خلود وصفا واللي ميسواش وبصت على علا وأمل وميرفت